فرمان الہی
نماز کے اوقات
سابق وزیر اعظم و پیپلز پارٹی کے بانی ذوالفقار علی بھٹو کی پوتی و میر مرتضیٰ بھٹو کی بیٹی فاطمہ بھٹو کے قریبی رشتہ داروں اور عزیز و اقارب کی موجودگی میں نکاح کی مختصر تقریب کی تصاویر منظر عام پر آگئیں۔
میر مرتضیٰ بھٹو کے بیٹے ذوالفقارعلی بھٹو جونیئر کی بذریعہ ٹوئٹر تصدیق کے بعد خود فاطمہ بھٹو نے بھی اپنے سوشل میڈیا اکاؤنٹس سے اپنی شادی کا اعلان کرتے ہوئے اس خاص موقع پر اپنے والد کی شدت سے کمی کے احساس کا اظہار کیا۔
فاطمہ بھٹو کے نکاح کی تقریب گزشتہ شب خاندانی گھر 70 کلفٹن میں ان کے دادا پیپلز پارٹی کے بانی ذوالفقار علی بھٹو کی لائبریری میں، پارٹی کے پرچم کی موجودگی میں ہوئی، جسے انہوں نے زمین پر سب سے پیاری جگہوں میں سے ایک قرار دیا۔
سوشل میڈیا پر وائرل تصاویر میں دیکھا جاسکتا ہے کہ اس تقریب میں دولہا اور دلہن سمیت کم و بیش تمام مہمانوں نے سفید رنگ کے لباس کا انتخاب کیا ہے۔
