اوٹاوا / ریاض( نیوز ڈیسک) کینیڈا اور سعودی عرب نے تمام تنازعات کو ختم کر کے 6سال بعد سفارتی تعلقات بحال کرنے کا فیصلہ کردیا۔ خبررساں ادارے رائٹرز کی رپورٹ کے مطابق سعودی عرب اور کینیڈا نے 2018 سے جاری تنازعات کو ختم کرنے کا اعلان کرتے ہوئے اپنے سفارتی تعلقات بحال کر کے سفیروں کی تقرری کا اعلان کیا ہے۔یہ فیصلہ کینیڈا کے وزیر اعظم جسٹن ٹروڈو اور سعودی ولی عہد محمد بن سلمان کے درمیان بنکاک میں اجلاس کے موقع پر ہونے والی بات چیت کے بعد کیا گیا۔ کینیڈا کی جانب سے جاری اعلامیے میں کہا گیا ہے کہ پہلے مرحلے میں سفیروں کے تقررکا عمل مکمل کیا جائے گا اور پھر سعودی عرب پر عائد پابندیاں اٹھا لی جائیں گی۔واضح رہے کہ سعودی عرب اور کینیڈا کے درمیان تعلقات ترکیہ میں سعودی صحافی جمال خاشقجی کے قتل اور اْس کے بعد مملکت میں ہونے والی گرفتاریوں کے بعد خراب ہوئے تھے۔ دونوں ممالک نے اپنے سفیروں کو واپس بلا کر لین دین بھی بند کردی تھی۔سعودی وزارت خارجہ کی جانب سے جاری اعلامیے کے مطابق کینیڈا اور سعودی عرب کے درمیان سفارتی تعلقات کی بحالی دونوں کی خواہش تھی ۔
فرمان الہی
نماز کے اوقات
