• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مردان‘ تحقیقاتی صحافت کیلئے دو روزہ ورکشاپ کا انعقاد

میرا شہر
پشاور
30 مئی ، 2023
پشاور(جنگ نیوز ) سی پی ڈی آئی کی جانب سے انڈویجول لینڈ ‘سائبان ڈیویلپمنٹ آرگنائزیشن اور اجالا سحر کے اشتراک سے صحافیوں کے لئے تحقیقاتی صحافت اور غیر مصدقہ خبروں کے انسداد کے لئے معلومات تک رسائی کے قوانین کی اہمیت کے حوالے سے مردان میں دو روزہ تربیتی ورکشاپ کا انعقاد کیاگیا۔ جعلی خبروں، مقامی گورننس کی اہمیت، صنفی حساس رپورٹنگ اور کمیونٹی کے پسماندہ گروہوں کے بارے میں صحافیوں کو تربیت دی گئی۔اس تربیتی نشست میں معروف صحافی عمر چیمہ نے بدعنوانی کو بے نقاب کرنے کے لئے معلومات تک رسائی کےقوانین کے استعمال کے بارے میں آگاہی دیتے ہوئے کہا کہ وہ کس طرح معلومات تک رسائی کے قانون کے استعمال کے ذریعے اپنی استعداد کار میں اضافہ کرکے معا شرہ میں مثبت تبدیلی لا سکتے ہیں۔سی پی ڈی آئی سے سید رضا علی نے معلومات تک رسائی کے قانون سازی کے منظر نامے اور معلومات کی درخواستیں دائر کرنے کے طریقہ کار کی وضاحت کرتے ہوئے کہا کہ انہیں سرکاری محکموں، اہلکاروں اور سرکاری اداروں سے معلومات تک رسائی کے لئے کیسے استعمال کیا جا سکتا ہے۔ انڈویجول لینڈ سےعزیز احمد نے صحافیوں کو درست اور بروقت معلومات تک رسائی کی اہمیت پر زور دیا تاکہ وہ اپنے کام میں ان کی مدد کر سکیں اور اس بات کو یقینی بنائیں کہ وہ اپنے سامعین کو قابل اعتماد خبریں فراہم کر رہے ہیں۔تربیت میں متعدد موضوعات کا احاطہ کیا گیا، بشمول جعلی خبروں کا مقابلہ کیسے کیا جائے، صنفی حساس رپورٹنگ کے اصول، اور کمیونٹی میں پسماندہ گروہوں کے بارے میں کیسے رپورٹ کی جائے۔ شرکاء کی حوصلہ افزائی کی گئی کہ وہ مردان میں بطور صحافی اپنے اپنے تجربات اور چیلنجز کا اشتراک کریں اور مشترکہ مسائل کے حل کے لیے مل کر کام کریں۔ٹریننگ کے اختتام پر شرکاء کو تکمیل کے سرٹیفکیٹس سے نوازا گیا ۔
پشاور سے مزید