تحریک انصاف کو ممنوعہ فنڈنگ کی ضبطی پر شو کاز، فیصلہ دستیاب ریکارڈ پر جاری کیا جائیگا، چیف الیکشن کمشنر

اسلام آباد (ممتاز علوی) الیکشن کمیشن آف پاکستان کا کہنا ہے کہ پاکستان تحریک انصاف کو اس کی ممنوعہ فنڈنگ ​​کی ضبطی پر جاری شو کاز نوٹس پر فیصلہ دستیاب ریکارڈ کی بنیاد پر جاری کیا جائے گا اگر وہ 6 جون کو دلائل پیش کرنے میں ناکام رہی۔ چیف الیکشن کمشنر سکندر سلطان راجہ کی سربراہی میں کمیشن کے تین رکنی بنچ نے شوکاز نوٹس کی دوبارہ سماعت کی جو گزشتہ سال 2 اگست کو سنائے گئے کمیشن کے متفقہ فیصلے کی بنیاد پر اس کے چیئرمین عمران خان کے ذریعے پی ٹی آئی کو پیش کیا گیا تھا۔ تحریک انصاف شو کاز نوٹس کے حوالے سے اپنے دلائل نہیں دے سکی ہے۔