• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میکسیکو میں تارکین وطن سے بھرا ٹرک برآمد، 8 افراد ہلاک

آج کا اخبار
یورپ سے
21 جون ، 2023
میکسیکو (اے ایف پی) - میکسیکو کے حکام نے ایک کاروائی کے دوران ایک ٹرک کے پچھلے حصے سے129تارکین وطن برامد ہوائے ہیں ، نیشنل انسٹی ٹیوٹ آف مائیگریشن نے گزشتہ روز کہا کہ برآمد ہونے والے افراد کا تعلق گوئٹے مالا، ہونڈوراسایل سلواڈور اور بھارت سے ہے حکام کی یہ کارروائی جمعہ کی رات مشرقی ریاست ویراکروز میں ہوئی ۔ میکسیکو میںشدید گرمی کی لہر کی وجہ سے کم از کم آٹھ افراد ہلاک ہو گئے ہیں۔ تارکین وطن سے بھرا ٹرک سیولا ڈی الیمان کے قصبے میں پایا گیا، جہاں درجہ حرارت نیشنل میٹرولوجیکل سروس کے مطابق اتوار کو درجہ حرارت 44 ڈگری سینٹی گریڈ (111ڈگری فارن ہائیٹ) سے ٹکرانے کی پیش گوئی کی گئی ہے۔ مائیگریشن انسٹی ٹیوٹ نے بتایا کہ گوئٹے مالا سے 51 تارکین وطن کو اس ملک میں واپس کر دیا گیا ہے۔ گوئٹے مالا اور ہونڈوراس سے تعلق رکھنے والے مزید 19 نابالغوں کو ایک خصوصی ہسپتال منتقل کر دیا گیا ہے۔ باقی کو ہجرت کے اسٹیشن پر منتقل کر دیا گیا۔ ہزاروں تارکین وطن، جن میں سے بہت سے اپنے ہی ممالک میں غربت اور تشدد سے بھاگ رہے ہیں، امریکہ پہنچنے کی امید میں روزانہ میکسیکو عبور کرتے ہیں۔ راستے میں وہ اکثر منظم جرائم کے گروہوں یا انسانی سمگلروں کا شکار ہو جاتے ہیں۔
یورپ سے سے مزید