• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انتخابات مقررہ وقت پر ہونگے ، نواز شریف انتخابی مہم لیڈ کرینگے ،ن لیگ

میرا شہر
لاہور
03 جولائی ، 2023
لاہور(خصوصی نمائندہ) مسلم لیگ ن لاہورکے صدرملک سیف الملوک کھوکھر ،جنرل سیکرٹری خواجہ عمران نذیر ، عامر خان ،چوہدری شہباز ،ماجد ظہور ، صبغت اللہ سلطان اور سید توصیف شاہ سمیت دیگر نےسویڈن میں قرآن پاک کی بےحرمتی کےافسوسناک واقعہ کی شدیدمذمت کرتے ہوئے کہا ہے کہ اسلامی شعارکی بےتوقیری بےحرمتی قطعاً برداشت نہیں کی جائےگی ۔ اسلام امن،محبت ،بھائی چارے کا درس دیتا ہے۔عالمی برادری دنیا کے امن کو خراب ہونے سے بچائے، تاریخ گواہ ہے جب بھی دنیا میں امن خراب ہوا وہ ملت کفر کی اسلام کے خلاف ناپاک سازشوں کی وجہ سے ہوا۔ن لیگ پی پی 172 کے آرگنائزر چوہدری عدنان اصغر ہنجرا نے کہا ہے کہ انتخابات اپنے مقررہ وقت پر ہوں گے اور میاں نواز شریف وطن واپس آ کر انتخابی مہم کی قیادت کریں گے ،2018 کے انتخابات میں عوام کو گمراہ کیا گیا ،ان کو سبز باغ دکھائے گئے مگر سب جھوٹ کا پلندہ ثابت ہوا، چور دروازے سے حکومت بنائی گئی اور عوام کو مہنگائی ،غربت، بے روزگاری اور لا قانونیت کی دلدل میں دھکیل دیا گیا، اب تحریک انصاف کا اصل چہرہ بے نقاب ہو چکا،آئندہ انتخابات میں عوام گمراہ نہیں ہوں گے۔
لاہور سے مزید