واشنگٹن (نیوز ڈیسک) امریکہ میں پاکستان نژاد طالب علم شاہ زین آفریدی نے صدارتی تعلیمی ایوارڈ 2023جیت لیا۔ عالمی خبر رساں ادارے کے مطابق کوئٹہ سے تعلق رکھنے والے شاہ زین آفریدی آٹھویں کلاس کے طالب علم ہیں۔ اعلیٰ تعلیمی ریکارڈ کو دیکھتے ہوئے انہیں ایک پُروقار تقریب میں امریکی صدر کے تعلیمی ایوارڈ 2023سے نوازا گیا ہے۔ نیو جرسی کے رہائشی شاہ زین آفریدی نے فلپ جی وروم اسکول میں اپنی پوری تعلیم کے دوران ہر سال اعلیٰ پوزیشن حاصل کی تھی۔ اس غیر معمولی تعلیمی کارکردگی پر شاہ زین کو ایک مشہور ہائی ٹیک اسکول کے لیے اسکالرشپ بھی دی گئی۔ اسکالرشپ کے باعث شاہ زین اپنی تعلیم مالی پریشانیوں سے آزاد ہوکر یکسوئی سے حاصل کرسکیں گے۔ایک خاص بات یہ بھی ہے کہ شاہ زین کی بہن بھی یہ ایوارڈ حاصل کرچکی ہیں، اس طرح پاکستانی بہن بھائی نے ایک اہم اعزاز اپنے نام کیا ہے، یہ اپنی نوعیت کا واحد واقعہ ہے۔
فرمان الہی
نماز کے اوقات
