• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیپلز پارٹی لاہور ڈویژن نے 5جولائی کا یوم سیاہ بھر پور طریقے سے منایا

میرا شہر
لاہور
06 جولائی ، 2023
لاہور(سپیشل رپورٹر )پیپلز پارٹی لاہور ڈویژن کے زیر اہتمام 5جولائی کا یوم سیاہ چاروں ڈسٹرکٹ میں بھر پور طریقے سے منایا گیا۔پی ایم جی چوک لوئر مال اور باغبانپورہ میں یوم سیاہ کی تقاریب سے خطاب کرتے ہوئے چودھری اسلم گل نے کہا کہ 46برس گزرنے کے باوجود قوم ایک ڈکٹیٹر کا بھٹو کی منتخب حکومت پر شبخون نہیں بھولے۔انہوں نے کہا کہ بھٹو نے اس ملک کے عوام کو شناخت اور ایٹمی طاقت دیکر ناقابل تسخیر بنایا مگر ضیاء الحق نے ہوس اقتدار کا شکار ہو کر ملک کو 11برس تک کلاشنکوف اور ہیروئن کے تحفے دئیے۔اسلم گل نے قینچی میں احتجاجی کیمپ میں شرکت کی جبکہ، ناصر باغ اور دیگر مقامات پر پارٹی کارکنوں سے خطاب کیا۔ پیپلز پارٹی سینٹرل پنجاب کے قائم مقام صدر رانا فاروق سعید،طاہر غالب،محسن ملہی،سبط الحسن نے کہا ہے کہ آئندہ عام الیکشن میں پیپلز پارٹی کسی سیاسی جماعت سےسیٹ ایڈجسٹمنٹ نہیں کریگی کسی کو غلط فہمی ہے تو ذہن سے نکال دے۔
لاہور سے مزید