فرمان الہی
نماز کے اوقات
لندن (پی اے) لیسٹر میں کرکٹ میچ کے بعد ایک بڑے جھگڑے میں ایک شخص کو ہسپتال لے جانے کی ضرورت کی پڑی جبکہ چار افراد کو گرفتار کر لیا گیا۔ آفیسرز کو اتوار کے روز مقامی وقت 19:15 بی ایس ٹی پر رشے فیلڈ ری کری ایشن گراؤنڈ میں طلب کیا گیا، جہاں تقریباً 30 افراد کرکٹ بیٹ سمیت ہتھیاروں سے ایک دوسرے سے لڑ رہے تھے۔ پولیس نے چار افراد کو جھگڑے کے شبہ میں گرفتار کیا۔ پیر کی صبح تک علاقے میں ڈسپرسل آرڈرز جاری کئےگئے تھے۔ لیسٹر شائر پولیس ڈٹیٹکٹیو انسپکٹر جینی ٹیٹرسال کا کہنا ہے کہ ہم اس واقعے کی مکمل تحقیقات کر رہے ہیں اور اس سلسلے میں کسی سے بھی معاونت کرنے اور معلومات دینے کیلئے رابطہ کرنے کی اپیل کر رہے ہیں۔ انہوں نے کہا کہ ہم اس تشویش کو سمجھتے ہیں جو اس واقعے کی وجہ سے پیدا ہو ئی ہے۔ علاقے میں کسی بھی صورت حال سے نمٹنے کیلئے اس علاقے میں آفیسرز موجود ہیں تاکہ اس بات کو یہ یقینی بنایا جا سکے کہ ڈسپرسل آرڈرز کی خلاف ورزی نہ ہو اور کمیونٹی کے تخفظ کی بھی یقین دہانی کرائی جائے۔ انہوں نے کہا کہ اگر کسی عینی شاہد کے پاس کوئی فوٹیج بشمول سی سی ٹی وی، فون، ڈیش کیم یا ڈور بیل فوٹیج ہے تو وہ فورس سے رابطہ کرے۔
