فرمان الہی
نماز کے اوقات
برسلز (حافظ انیب راشد) 21جولائی کو بلجیم کا قومی دن منایا گیا۔ یہ دن بلجیم کے پہلے بادشاہ لیوپولڈ ون کی ملک کے پہلے بادشاہ کی حیثیت سے حلف برداری کی سالگرہ کے طور پر منایا جاتا ہے جنہوں نے 1831میں یہ منصب سنبھالا۔ کہا جاتا ہے کہ بلجیم کا قومی دن اصل میں 27 ستمبر کو منایا جاتا تھا جو انقلاب کے ’’ستمبر کے دنوں‘‘ کے دوران برسلز سے ڈچ افواج کو نکالے جانے کی تاریخ تھی1890میں، اس کو قانون کے ذریعے 21 جولائی میں تبدیل کر دیا گیا تاکہ پابندی اور بادشاہت اور آئینی نظام کے درمیان تعلق کو مضبوط کیا جا سکے۔ 1891کے بعد سے 27ستمبر کو بلجیم کی فرانسیسی کمیونٹی یہ دن سرکاری طور پر مناتی ہے۔ پہلی اور دوسری جنگ عظیم میں بلجیم پر قبضہ کر لیا گیا اور عوامی سطح پر حب الوطنی کے اظہار پر پابندی لگا دی گئی اس کے نتیجے میں 21جولائی کی تقریبات علامتی مزاحمت کی ایک عام شکل بن گئیں۔اس روز ملک میں عام تعطیل ہوتی ہے اور دن میں مختلف تقریبات کے علاوہ رات کے وقت آتش بازی کی جاتی ہے۔
