لاہور(اپنے نامہ نگار سے) چین کی جانب سے پاکستان میں صحت کے شعبے کی بہتری میں معاونت کا سلسلہ جاری ہے ، چینی قونصلیٹ کی جانب سے جناح ہسپتال کے لئے دو ڈائیلسز مشینیں فراہم کی گئی ہیں جن کا باضابطہ افتتاح بھی کر دیا گیا ۔چینی قونصلیٹ لاہور کی جانب سے فراہم کی جانے والی ڈائیلسز مشینوں کے افتتاح کے موقع پر قونصل جنرل ژائو شیرین نے کہا کہ چین ہمیشہ ان لوگوں کے لیے عوامی خدمات میں پاکستان کے ساتھ کھڑا ہے جنہیں مفت طبی سہولیات کی اشد ضرورت ہے ۔ انہوں نے کہا کہ کئی سال قبل چین نے اس ہسپتال کی تعمیر میں بھی مدد کی تھی اور اس منصوبے نے چین اور پاکستان کے درمیان آہنی اور دیرینہ دوستی کو ثابت کیا ہے ۔
فرمان الہی
نماز کے اوقات
