کراچی( اسٹاف رپورٹر )ایف آئی اے کارپوریٹ کرائم سرکل نے غیرقانونی کرنسی ایکسچینج اور حوالہ ہنڈی میں ملوث منظم گروہ کے 3ملزمان کو گرفتار کرلیا۔ گرفتار ملزمان میں عبداللہ، صدیق اور مبین شامل ہیں۔ایف آئی اے کے مطابق ملزمان بغیر لائسنس کرنسی ایکسچینج کا کاروبار کر رہے تھے۔ ملزمان کے قبضے سے 3200امریکی ڈالر، گاڑی ، 4عدد موبائل فونز اور درجنوں ہنڈی حوالہ سے متعلق پیغامات برآمد کر لئے گئے۔ملزمان کو کراچی کے نجی شاپنگ مال سے گرفتار کیا گیا ہے۔