• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صحافی دو روزہ جسمانی ریمانڈ پر ایف آئی اے کے حوالے، صحافیوں کا احتجاج

آج کا اخبار
ملک بھر سے
23 ستمبر ، 2023
اسلام آباد (خبر نگار) جوڈیشل مجسٹریٹ اسلام آباد شبیر بھٹی نے سائبرکرائم ایکٹ کے تحت درج مقدمہ میں گرفتار صحافی خالد جمیل کا دو روزہجسمانی ریمانڈ منظور کر لیا ہے۔ بعد ازاں ایف آئی اے کے حوالے کر دیا۔ پاکستان فیڈرل یونین آف جرنلسٹس ( ورکرز ) کے صدر پرویز شوکت ، سیکرٹری جنرل شاہد علی ، نائب صد ر طاہر راٹھور ،خاتون نائب صدر ڈاکٹر سعدیہ کمال اور دیگر عہدیداروں نے سینئر صحافی خالد جمیل کی گرفتاری کی شدید مذمت کی اور ان کی گرفتاری کو آزادی صحافت پر قدغن لگانے کی کوشش قرار دیا ہے جو کسی صورت قابل قبول نہیں ۔ پاکستان فیڈرل یونین آف جرنلسٹس کی کال پر آر آئی یو جے کے زیراہتمام مقامی صحافی خالد جمیل کی ایف آئی اے کی جانب سے گرفتاری کے خلاف بھرپور احتجاجی مظاہرہ اور ریلی نکالی گئی۔ احتجاجی مظاہرے میں راولپنڈی اسلام آباد کے صحافیوں کی کثیر تعداد نے شرکت کی۔ مظاہرے سے پی ایف یو جے کے صدر افضل بٹ، آر آئی یو جے کے صدر عابد عباسی، جنرل سیکرٹری طارق علی ورک، نیشنل پریس کلب کے صدر انور رضا، چوہدری شاہد اجمل، اظہار نیازی، وقار عباسی، نیئر علی، افتخار شیرازی، کاشف رفیق و دیگر نے بھی خطاب کیا۔تحریک انصاف نے صحافی خالد جمیل کے گھر چھاپے اور گرفتاری کی مذمت کرتے ہوئے انکی فوری رہائی کا مطالبہ کیا ہے۔
ملک بھر سے سے مزید