ہمیں لیول پلیئنگ فیلڈکی کوئی شکایت نہیں‘ جہانگیر ترین

لاہور(ایجنسیاں)استحکامِ پاکستان پارٹی کے بانی جہانگیر ترین کاکہنا ہے کہ ہمیں لیول پلیئنگ فیلڈ سے متعلق کوئی شکایت نہیں‘اسٹیبلشمنٹ سیاست میں مداخلت نہیں کرتی‘نواز شریف کو سابق آرمی چیف اور آنے والے چیف جسٹس کا نام نہیں لینا چاہیے تھا۔لاہور میں پریس کانفرنس کرتے ہوئے انہوں نے کہا ہے کہ نواز شریف کو کسی شخصیت کا نام لے کر بیانیہ نہیں بنانا چاہیے تھا، اگر نواز شریف نے کسی کے ساتھ معاملات طے کرنے ہیں تو پہلے ملک واپس آئیں۔الیکشن ناگزیر ہے، ہر حال میں ہونے چاہئیں۔ منزہ حسن کو دل کی گہرائیوں سے پارٹی میں خوش آمدید کہتا ہوں۔الیکشن میں تمام جماعتوں کو برابری کا موقع ملنا چاہیے۔