• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

مزید 45 افراد میں ڈینگی وائرس کی تصدیق، تعداد 1224 تک جا پہنچی

میرا شہر
اسلام آباد
01 اکتوبر ، 2023
راولپنڈی(نمائندہ جنگ)ضلع راولپنڈی میں گزشتہ 24 گھنٹوں کے دوران مزید 45 افراد میں ڈینگی وائرس کی تصدیق ہو گئی۔ اس طرح رواں سیزن میں ڈینگی وائرس کے تصدیق شدہ مریضوں کی تعداد 1224تک پہنچ گئی ہے جن میں خواتین کی شرح 28جبکہ مردوں کی شرح72 فیصد ہے۔ ڈینگی کی افزائش اور پھیلاؤ کیساتھ راولپنڈی کی یونین کونسل79ڈھوک منشی 249مریضوں کے ساتھ پہلے اوریونین کونسل 81کوٹھہ کلاں 128متاثرہ افراد کے ساتھ دوسرے نمبر پر ہیں ۔محکمہ صحت ذرائع کے مطابق ہولی فیملی ہسپتال میں 72، ڈی ایچ کیو میں 34 اور بے نظیر بھٹو ہسپتال میں 24 افراد زیر علاج ہیں جن میں سے 10 افراد کی حالت تشویشناک ہے۔ ادھر ضلعی انتظامیہ کی جانب سے انسداد ڈینگی کارروائیوں کے تحت ایس او پی کی خلاف ورزی پرگزشتہ24گھنٹے میں 26 مقدمات درج کروا کے 2 عمارتوں کو سیل کیا گیااور2افراد کو چالان ٹکٹ جاری کر کے 3 ہزار روپے جرمانہ کیا گیا۔رواں سیزن میں اب تک مجموعی طور پر 3523 مقدمات درج کروا کے577 عمارتوں کو سیل،998 افراد کوچالان ٹکٹ جاری کر کے 58 لاکھ 30 ہزار 250 روپے جرمانہ عائد کیاگیا۔
اسلام آباد سے مزید