فرمان الہی
نماز کے اوقات
کراچی ( اسٹاف رپورٹر) کراچی کے تمام اضلاع میں واٹر ٹینکرز کے ذریعے سپلائی میں 50فی صد اضافہ کر دیا گیا ہے۔ یومیہ 6لاکھ گیلن پانی فراہم کیا جائے گا جبکہ اس سے قبل جنرل پبلک سروس کے تحت 4لاکھ گیلن پانی فراہم کیا جاتا تھا۔ انچارج ہائیڈرنٹس سیل واٹر کارپوریشن الہیٰ بخش بھٹو نے تفصیلات بتاتے ہوئے کہا کہ واٹر کارپوریشن کے ساتوں سرکاری ہائیڈرنٹس پر جنرل پبلک سروس کے تحت یومیہ 6لاکھ گیلن پانی فراہم کیا جائے گا جبکہ اس سے قبل سرکاری ہائیڈرنٹس سے جنرل پبلک سروس کے تحت یومیہ 4 لاکھ گیلن پانی فراہم کیا جاتا تھا، انہوں نے بتایا کہ شہر کے ساتوں اضلاع میں ٹوٹل 28 لاکھ گیلن پانی فراہم کیا جاتا تھا جس کو بڑھا کر 42 لاکھ گیلن مقرر کردیا گیا ہے، اس موقع پر سی ای او واٹر کارپوریشن کا کہنا تھا کہ پانی چوروں کے خلاف پاکستان رینجرز اور واٹر کارپوریشن کے مشترکہ کارروائیوں سے غیر قانونی ہائیڈرنٹس کا خاتمہ ہوا ہے جس کے باعث واٹر کارپوریشن کے سرکاری ہائیڈرنٹس سے پانی کی طلب میں اضافہ ہؤا ہے اس لیے شہریوں کی مشکلات کو مدنظر رکھتے ہوئے سرکاری ہائیڈرنٹس پر جنرل پبلک سروس کے کوٹے میں اضافہ کیا گیا ہے، انکا مزید کہنا تھا کہ شہریوں کو فراہمی و نکاسی آب کی بہتر سہولیات فراہم کرنا ہماری اولین ترجیحات میں شامل ہے۔
