فرمان الہی
نماز کے اوقات
کراچی ( اسٹاف رپورٹر )آنکھوں کے ڈاکٹر کی مبینہ غفلت ڈپٹی پراسیکیوٹر جنرل سندھ کی بینائی بری متاثر ،پولیس نے مقدمہ درج کر لیا۔ ڈپٹی پراسکیوٹر جنرل سندھ فہیم حسین کی مدعیت میں فیروز آباد تھانے میں مقدمہ الزام نمبر 627/23 زیر دفعہ 337/387/34 کے تحت درج کیا گیا ہے۔مقدمہ میں اسٹیڈیم روڈ اورشہید ملت روڈ پر واقع اسپتالوں کی انتظامیہ اور آئی سرجن ڈاکٹراعظم کو نامزد کیا گیا ہے ۔مدعی کے مطابق ڈاکٹراعظم نےمیری دونوں آنکھوں میں موتیا کی تشخیص کی اورفوری آپریشن کرانے کا کہا، ڈاکٹر اعظم نے شہید ملت روڈ پرواقع نجی اسپتال میں ایک ہفتے کے وفقے سے میری آنکھوں کا آپریشن کیا ، مدعی کے مطابق شہید ملت روڈ پر واقع نجی اسپتال سے موتیا کے آپریشن کے لیے 2 لاکھ 51 ہزار روپے میں بات طے ہوئی،شدید تکلیف کے باعث اسپتال گیا تو ڈاکٹراعظم کی عدم موجودگی ک باعث اسٹیڈیم روڈ پرواقع نجی اسپتال ریفرکیا گیا۔مدعی نے مزید بتایا کہ ڈاکٹر اعظم نے اسٹیڈیم روڈ پر واقع نجی اسپتال میں معائنہ کیا اور کہا ایک آنکھ کا آپریشن دوبارہ ہوگا، ڈاکٹر اعظم کے مجبور کرنے پر آنکھ کے دوبارہ آپریشن کے لیے اسٹیڈیم روڈ پرواقع اسپتال میں 83 ہزار روپے دیئے ۔
