• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

برطانوی اخبار نے اسرائیلی وزیراعظم کا خاکہ بنانے والے کارٹونسٹ کو برطرف کردیا

آج کا اخبار
یورپ سے
21 اکتوبر ، 2023
لندن( نیوز ڈیسک)برطانوی اخبار نے اسرائیلی وزیراعظم کا خاکہ بنانے والے کارٹونسٹاسٹیو بیل کو نوکری سے برطرف کردیا۔اسٹیو بیل کے کارٹون میں بنجمن نیتن یاہو کو باکسنگ کے دستانے پہنے اپنے پیٹ پر آپریشن کرنے کی تیاری کرتے ہوئے دکھایا گیا جس پر غزہ کی پٹی کا خاکہ تھا اور غزہ کے رہائشیوں کیلئے کیپشن تھا۔اخبار کے ترجمان نے کہا کہ اسٹیو بیل 40 سال تک اہم کارٹونسٹ رہے، اسٹیو بیل کے معاہدے کی مزید کوئی تجدید نہیں کی جائے گی۔اسٹیو بیل اخبار کیلئے 42 سال سے کام کر رہے تھے، انہوں نے بتایا کہ پیر کے اخبار کیلئے کارٹون بھیجا تھا اور چار گھنٹے بعد سینئر ایڈیٹر نے اسے مسترد کردیا تھا۔اسٹیو بیل نے اپنے کارٹون کے دفاع میں 1960 کی دہائی کے دوران اس وقت کے امریکی صدر لنڈن بی جانسن کے بنائے گئے ایک خاکے کا حوالہ دیا جس میں صدر جانسن کا جسم ویتنام کے نقشے جیسا دکھایا گیا تھا اور اس پر شدید زخم تھے۔اسٹیو بیل کا موجودہ کنٹریکٹ اپریل 2024 تک جاری رہے گا جس کے بعد ان کی ملازمت ختم ہوجائے گی۔ 
یورپ سے سے مزید