فرمان الہی
نماز کے اوقات
لندن (سعید نیازی) برطانیہ میں آج ہفتہ اور اتوار کی شب سمر ٹائم ختم ہونے کے ساتھ ہی ونٹر ٹائم کا آغاز ہوجائے گا۔ رات کو دو بجتے ہی گھڑیوں میں ایک گھنٹہ پیچھے کرکے ایک بجا دیا جائے گا۔ ونٹر ٹائم کا آغاز اکتوبر کے آخری اتوار کی صبح کیا جاتا ہے۔ ونٹر ٹائم آئندہ برس مارچ کے آخری اتوار31مارچ تک رہے گا، جس کے بعد سمر ٹائم شروع ہوجائے گا۔ گھڑیوں میں وقت پیچھے کرنے کا بنیادی مقصد دن کی روشنی سے زائد فائدہ اٹھانا ہے۔ ونٹر ٹائم کے آغاز کے ساتھ ہی برطانیہ اور پاکستان کے درمیان وقت کا فرق بڑھ کر پانچ گھنٹے ہوجائے گا۔ اتوار کی صبح گھڑیوں میں وقت تبدیل ہونے کے سبب لوگوں کو ایک گھنٹہ زائد سونے کو ملے گا۔ اسمارٹ فون، کمپیوٹرز اور دیگر آلات میں وقت خود بخود درست ہوجاتا ہے۔ تاہم دیواروں اور کار وغیرہ کی گھڑی میں وقت خود درست کرنا پڑتا ہے۔ شام کو جلد اندھیرا چھا جانے کے سبب شاہراہوں پر حادثات اور گھروں میں چوریوں کی وارداتوں میں اضافہ بھی ہوجاتا ہے۔
