• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

زرداری اوربلاول میں کوئی اختلات نہیں،پیپلزپارٹی

میرا شہر
لاہور
27 نومبر ، 2023
لاہور(اپنے نامہ نگار سے) پیپلز پارٹی لاہور کے صدر چودھری اسلم گل نے کہا ہے کہ بھٹو خاندان میں خلیج تلاش کرنیوالے احمقوں کی جنت میں رہتے ہیں ،آصف زرداری اور بلاول بھٹو ہی اس ملک کی اس اور امید ہیں۔وہ وفد سے گفتگو کر رہے تھے۔اسلم گل نے کہا کہ پیپلزپارٹی کی 56 سالہ تاریخ جمہوریت کی بالادستی کے لئے کی جانے والی جہد مسلسل سے عبارت ہے۔انہوں نے کہا کہ ملک کے دیگر شہروں کی طرح لاہور میں بھی یوم تاسیس بھر پور طریقے سے منایا جائیگا۔ پیپلز پارٹی لاہور کے جنرل سیکرٹری رانا جمیل منج نے کہا ہے کہ بلاول بھٹو اور آصف علی زرداری کے درمیان کوئی اختلاف نہیں ، دونوں جلد انتخابی مہم میں ایک ساتھ نظر آئیں گے ۔پیپلز پارٹی لاہور نے الزام عائد کیا ہے کہ مسلم لیگ ن نے قومی اسمبلی کے حلقہ این اے 127 میں انکے سینئر رہنما فیصل میر کی انتخابی کارنر میٹنگ کے دوران گزشتہ روز حملہ کیا ہے فیصل میر نے مطالبہ کیا ہے کہ ن لیگ کے حملہ آوروں کو فوری گرفتار نہ کیا گیا تو پیپلزپارٹی کل تھانہ گرین ٹاؤن کا محاصرہ اور دھرنا دے گی۔
لاہور سے مزید