• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

انٹر بینک میں ڈالر 20، اوپن مارکیٹ میں 50 پیسے سستا

آج کا اخبار
اہم خبریں
02 دسمبر ، 2023
کراچی ( اسٹاف رپورٹر) انٹر بینک میں ڈالر کی قیمت 20 پیسے تک گھٹ گئی ،اوپن مارکیٹ میں 50پیسے کی کمی،یورو ایک روپے سستا ہو گیا، پاؤنڈ کی قیمت میں بھی ایک روپے تک کی کمی، جمعہ کو روپے کے مقابلے پر انٹر بینک میں ڈالر کی قیمت خرید 284.60 روپے پر برقرار رہی لیکن قیمت فروخت 20 پیسے کی کمی سے 285.20 روپے سے کم ہو کر 285.00 روپے ہو گئی ہے،اوپن مارکیٹ میں 50پیسے کی کمی سے ڈالر کی قیمت خرید 283.50 روپے سے کم ہو کر 283.00 روپے اور قیمت فروخت 286.50 روپے سے کم ہو کر 286.00روپے پر آگئی ہے، رپورٹ کے مطابق ایک روپے کی کمی سے یورو کی قیمت خرید 310.00روپے سے کم ہو کر 309.00 روپے اور قیمت فروخت 313.00روپے سے کم ہو کر 312.00 روپے ہو گئی جبکہ برطانوی پاؤنڈ کی قیمت خرید 50 پیسے کی کمی سے 359.00 روپے سے کم ہو کر 358.50روپے اور قیمت فروخت ایک روپے کی کمی سے 363.00روپے سے کم ہو کر 362.00 روپے ہو گئی۔دریں اثنا جمعہ کو اسٹیٹ بینک کا ڈالر کلوزنگ ریٹ 20 پیسے کی کمی سے 284.97 روپے ہو گیا۔
اہم خبریں سے مزید