• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان، بحرین، عراق اور کویت کی اسپیشل فورسز کی مشترکہ مشق اختتام پزیر

آج کا اخبار
ملک بھر سے
10 دسمبر ، 2023
راولپنڈی (صباح نیوز)ملٹی نیشنل جوائنٹ اسپیشل فورسز کی مشق فجر الشرق پنجم اختتام پزیر ہو گئی۔پاک فوج کے شعبہ تعلقاتِ عامہ (آئی ایس پی آر) کے مطابق مشق فجر الشرق پنجم کی اختتامی تقریب نیشنل کانٹر ٹیرر ازم سینٹر پبی میں ہوئی۔آئی ایس پی آر کے مطابق مشق میں پاکستان، بحرین، عراق اور کویت کی اسپیشل فورسز کے دستوں نے حصہ لیا، مشق کا مقصد برادر ممالک کے درمیان تاریخی فوجی تعلقات کو مزید تقویت دینا تھا۔ترجمان پاک فوج کا اس حوالے سے کہنا ہے کہ 2 ہفتے طویل مشق کا آغاز 27 نومبر کو ہوا تھا اور برادر ممالک بحرین، عراق اور کویت کے افسران نے بھی اختتامی تقریب کا مشاہدہ کیا۔آئی ایس پی آر کے مطابق شرکا ممالک کی اسپیشل فورسز نے آخری دن اپنی پیشہ ورانہ مہارت کا مظاہرہ کیا۔
ملک بھر سے سے مزید