• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وزارت داخلہ نے بھی سویلینز ٹرائل سے متعلق سپریم کورٹ فیصلے کیخلاف اپیل دائر کردی

آج کا اخبار
اہم خبریں
12 دسمبر ، 2023
اسلام آباد (این این آئی) وزارت داخلہ نے بھی خصوصی عدالتوں میں سویلینز کے ٹرائل بارے سپریم کورٹ کے فیصلے کیخلاف اپیل دائر کردی۔ تفصیلات کے مطابق وزارت داخلہ نے بھی خصوصی عدالتوں میں سویلینز کے ٹرائل کے بارے میں سپریم کورٹ کے فیصلے کیخلاف انٹرا کورٹ اپیل دائر کرتے ہوئے فیصلہ کالعدم قرار دینے کی استدعا کی ہے۔وزارت داخلہ کی جانب سے اپیل میں مختلف قانونی سوالات اٹھائے گئے ہیں کہ کیا کیس آرٹیکل 199 کے تحت پہلے ہائیکورٹ میں جانا چاہئے تھا؟، لفظ سویلین کی اصطلاح بہت وسیع ہے، کیا عدالت نے اسے نظرانداز نہیں کیا؟۔وزارت داخلہ کی جانب سے دائر انٹرا کورٹ اپیل میں سوال اٹھایا گیا کہ سویلین کی اصطلاح میں غیر ملکی اور دہشت گرد بھی آتے ہیں، پاکستان آرمی ایکٹ کی دفعات سے متعلق پہلا اختیار ہائیکورٹ کا تھا۔وزارت داخلہ نے اپنی انٹرا کورٹ اپیل میں یاد دہانی کرائی ہے کہ سپریم کورٹ خود کئی بار کہہ چکی ہے کہ دیگر فورم موجود ہوں تو آرٹیکل 184/3 سے گریز کرنا چاہئے۔
اہم خبریں سے مزید