فرمان الہی
نماز کے اوقات
کراچی ( اسٹاف رپورٹر ) میئرکراچی بیرسٹر مرتضیٰ وہاب نے کہا ہے کہ اس شہر میں دہشت کی سیاست کا راج ہوا کرتا تھا، خوف اور چائنا کٹنگ کے بت ہم نے توڑے ہیں، اب یہ شہر یرغمال نہیں ہوسکتا ،ہم نے برا وقت دیکھا ہے اب ہم اپنے بچوں کو براوقت نہیں دیکھنے دیں گے،میئر کی حیثیت سے الیکشن کمیشن کے ضابطہ اخلاق کا پابند ہوں، میری ذمہ داری اجازت نہیں دیتی کہ 8فروری تک کام چھوڑ دوں، یہ بات انہوں نے منگل کے روز اللہ والا ٹاؤن کورنگی میں گورنمنٹ گرلز ڈگری کالج کی تعمیر کا سنگ بنیاد رکھنے کی تقریب سے خطاب کرتے ہوئے کہی، دریں اثنا نارتھ کراچی میں شاہر اہ کیپٹن عبدالمعیز کے افتتاح اور نارتھ کراچی ایسوسی ایشن آف ٹریڈ اینڈ انڈسٹری کے دفتر کے دورے کے موقع پر صنعتکاروں سے خطاب کرتے ہوئے میئرکراچی نے کہا ہے کہ آج اس شہر میں نہ بھتہ ہے نہ بوری بند لاشیں، نہ پہیہ جام ہڑتال، شہر کا امن پاکستان پیپلزپارٹی کی دین ہے۔
