راحت فتح علی خان کی ملازم کو پیٹنے کی ویڈیو کا ڈراپ سین

گلوکار راحت فتح علی خان کی ملازم کی پٹائی لگانے کی وائرل ویڈیو کا ڈراپ سین ہوگیا۔ ملازم کا کہنا ہے کہ جو بھی چل رہا ہے یہ سب جھوٹ ہے جبکہ راحت فتح علی خان کا کہنا ہے کہ یہ ویڈیو ایک استاد اور شاگرد کے آپس کے معاملے کی بات ہے۔

واضح رہے کہ راحت فتح علی خان کی ملازم کی پٹائی لگانے کی ویڈیو وائرل ہوئی تھی، اس ویڈیو میں نامور گلوکار ملازم سے پانی کی بوتل کا پوچھتے رہے۔

راحت فتح علی خان نے 12 برسوں میں کانسرٹس سے کتنا کمایا؟

پاکستان میوزک انڈسٹری سے وابستہ موسیقار و گلوکار راحت فتح علی خان نے 12 برس کے دوران کانسرٹ سے 7.5 بلین سے زائد کا بزنس کیا ہے۔

ویڈیو سے متعلق نوید حسنین نے خود کو ان کا شاگرد قرار دیتے ہوئے کہا کہ راحت فتح علی خان میرے استاد ہیں، جو بھی چل رہا ہے یہ سب جھوٹ ہے۔

شاگرد نوید حسنین نے کہا کہ وہ ہمارے مرشد ہیں ہمیں، مار سکتے ہیں، ڈانٹ بھی سکتے ہیں۔

انکا کہنا تھا کہ جس بوتل کی بات ہو رہی ہے وہ خان صاحب کے مرشد پاک نے پڑھا ہوا تھا، وہ بوتل مجھ سے گم ہو گئی تھی۔

شاگرد کا یہ بھی کہنا تھا کہ جس نے ویڈیو بنائی ہے وہ بہت بڑا بلیک میلر ہے۔یہ جو چل رہا ہے، میرے استاد کو بدنام کرنے کی کوشش ہے۔

استاد راحت فتح علی خان کی بیٹے کے ہمراہ سحرانگیز پرفارمنس، ویڈیو وائرل

پاکستان کے عالمی شہرت یافتہ سروں کے سلطان استاد راحت فتح علی خان اور ان کے بیٹے شاہ زمان علی خان نے کنسرٹ میں اپنی آواز کا ایسا جادو جگایا کہ ان کے سروں کی سرگم سے سماں باندھ دیا تو ویڈیو سوشل میڈیا پر وائرل ہوگئی۔

دوسری جانب راحت فتح علی خان نے ویڈیو بیان میں کہا کہ یہ ویڈیو ایک استاد اور شاگرد کے آپس کے معاملے کی بات ہے، شاگرد اچھا کام کرتا ہے تو ہم اس کو اتنا ہی پیار بھی دیتے ہیں، اگر کوئی غلطی ہوتی ہے تو ہم اس کو سزا بھی دیتے ہیں۔

راحت فتح علی خان کا کہنا تھا کہ جس بوتل کی بات ہورہی ہے وہ پیرصاحب کا دم کیا ہوا پانی تھا، پانی کی بوتل میں کہیں رکھ کر بھول گیا تھا۔

انہوں نے مزید کہا کہ میں نے اسی وقت اپنے شاگرد سے معافی بھی مانگی تھی۔

دوسری جانب شاگرد نوید حسنین کے والد نے کہا کہ استاد بیٹے کو ڈانٹ بھی دیتے ہیں اور مار بھی دیتے ہیں۔