کیریئر کے ابتدا میں ناکامیوں نے بہت کچھ سکھایا، صائم ایوب

کراچی( اسٹاف رپورٹر) قومی کرکٹ ٹیم کے نوجوان اوپنر صائم ایوب نےاعتراف کیا ہے کہ کیریئر کے ابتدا ہی میں دورہ نیوزی لینڈ اور بنگلہ دیش پریمئیر لیگ میں ناکامیوں نے مجھے بہت کچھ سکھایا، مجھے اپنے کھیل کو بہت بہتر کرنے کی ضرورت ہے،ایک ویب سائٹ کو دیے گئے انٹرویو میں انہوں نے وکٹ کیپر بیٹر محمد رضوان کی جانب سے دیے جانے والے سپر اسٹار کے لیبل کو مسترد کرتے ہوئے کہا کہ ابتدائی مراحل میں ناکامیاں ملنے پر اداس نہیں بلکہ خوش ہوں تاکہ بہتر کرکٹر بن کر ٹیم میں واپس آؤں، اب میں جانتا ہوں کہ مجھے کس معیار تک پہنچنا ہے۔ صائم ایوب نے کہا کہ بنیادی ہدف ٹیسٹ کرکٹ کھیلنا ہے، جو میری صلاحیتوں میں نکھار پیدا کرسکتا ہے۔قبل ازیں بنگلہ دیش پریمئیر لیگ کے دوران محمد رضوان نے نوجوان اوپنر کے حوالے سے کہا تھا کہ “لیگز ہمیشہ نوجوان کھلاڑیوں کی مدد کرتی ہیں، ہم سمجھتے ہیں کہ صائم ایوب پاکستان کے اگلے سپر اسٹار ہیں ۔ دوردنتو ڈھاکہ کیلئے صائم ایوب کی کارکردگی توقعات سے کم رہی وہ محض 5 میچوں میں 15.40 کی اوسط سے 77 رنز بناسکے تھے۔