بلوچستان کے ضلع کوہلو کے قومی اسمبلی کے حلقے این اے 253 اور صوبائی اسمبلی کے حلقے پی بی 9 کے 7 پولنگ اسٹیشنز پر دوبارہ پولنگ جاری ہے۔
صوبائی الیکشن کمشنر کے مطابق ری پولنگ کے لیے 5 مشترکہ اور 2 خواتین پولنگ اسٹیشنز بنائے گئے ہیں۔
انہوں نے مزید بتایا ہے کہ کوہلو کے ان 7پولنگ اسٹیشنز پر 8 ہزار 263 ووٹرز اپنا حقِ رائے دہی استعمال کریں گے۔
پولنگ شام 5 بجے تک بغیر کسی وقفے کے جاری رہے گی۔
یاد رہے کہ گزشتہ روز گھوٹکی، کوہاٹ اور خوشاب کے چند پولنگ اسٹیشنوں پر ری پولنگ کی گئی تھی۔
الیکشن کمیشن کے مطابق مختلف وجوہات کی بناء پر مؤخر کی گئی پولنگ صبح 8 بجے سے شام 5 بجے تک بغیر وقفے جاری رہی۔