فرمان الہی
نماز کے اوقات
بارسلونا (جواد چیمہ)یورپین کرکٹ سیریز2024 بارسلونا میں مکمل ہوگئی۔ پاک بارسلونا کرکٹ کلب ونر آف یورپین کرکٹ سریز کپ2024اور گولڈ میڈل ایوارڈ حاصل کیا جبکہ دوسری پوزیشن سلور میڈل MENS IN BLUE نے حاصل کی۔ پہلے کھلتے ہوئے پاک بارسلونا نے 160رنز کئے اور جبکہ مد مقابل مین ان بلیوز ٹارگٹ حاصل کرنے میں ناکام رہی۔ تفصیلات کے مطابق یورپین کرکٹ سریزT10 2024کا آغاز 8فروری2024کو بارسلونا سپین میں ہوا جس میں اسپین کے دس ٹاپ کلبز نے حصہ لیا۔ ہر ٹیم نے18میچز زم کھیلے اس کے بعد پوائنٹ بیس پر آٹھ کلب آگے آئے ان کے درمیان کوارٹر فائنل ہوا, جس کے بعد 4ٹیمیں سیمی فائنل کے لئے کوالیفائی کر سکی ان چار ٹیموں میں رائل بارسلونا کا سیمی فائنل پاک بارسلونا سے ہوا جس میں پاک بارسلونا نے جیت کر فائنل کوالیفائی کیا اور دوسرا سیمی فائنل میجک کرکٹ کلب اور MENS IN BLUE کرکٹ کلب کے مابین ہوا اور MENS IN BLUE نے فائنل کے لئے کوالیفائی کیا۔ ہفتہ کے دن فائنل پاک بارسلونا کرکٹ کلب اور MENS IN BLUE کے درمیان ہوا پاک بارسلونا نے پہلے کھیلتے ہوئے 160 کا ٹارگٹ دیا جو MENS IN BLUE پورا نہ کرسکی اور اس طرح پاک بارسلونا کرکٹ کلب ECS T10 2024کا چیمپین قرار پایا اور پوری ٹیم کو گولڈ میڈل سے نوازا گیا اور 4500یورو کیش پرائز سے نواز گیا اور ساتھ پاک بارسلونا کے پلئر کو مین آف دی سریز قرار دیا گیا اور 1000یورو کا چیک بھی دیا گیا اور اسی پلیر کو پلئر آف دی ڈے کا ایوارڈ 500 یورو کا چیک بھی دیا گیا۔ فائنل کے اخر میں کھلاڑیوں کو میڈل پہنانے، نقد انعامات دینے اور وںر ٹین کو ٹرافی دینے کی پر وقار تقریب مونجینک گراؤنڈ میں منعقد ہوئی۔ تقریب میں کمیونٹی نے بھرپور شرکت کی جیتنے والوں کو انعامات انعامات دیئے گئے۔ سید ذوالقرنین شاہ کا کلب چیمپئن قرار پایا اور ان کے ذریعے بھی انعامات تقسیم کروائے گئے جبکہ پاک فیڈریشن اسپین کے صدر ثاقب طاہر اور بی ایم ایجو کیٹرز کے ڈائریکٹر مظہر حسین راجہ سے بھی انعامات تقسیم کروائے گئے۔ پاک بارسلونا کرکٹ کلب کے کیپٹن رحمٰن اللہ کو مبارکباد بھی پیش کی گئی۔ اس سیریز میں سید ذوالقرنین شاہ کے بطور مینجر پانچ کلبز نے یورپین کرکٹ سریز2024میں حصہ لیا ۔ پاک بارسلونا، کتلونیا ڈریگن، ریڈ کتلونیا، جیگور سی سی، سوہل سی سی ان میں سے پاک بارسلونا یورپین کرکٹ سریز 2024 کی چیمپین قرار پائی۔ اس پروقار تقریب میں پاک کتلان کرکٹ فیڈریشن کی نمائندگی نائب صدر حافظ غلام سرور نے دیگر عہدے داران کے ہمراہ شرکت کی جبکہ اسپین کرکٹ ٹیم کے مینجر عمران ملک جنہوں نے یہ کرکٹ سیریز منعقد کروانے میں اہم کردار ادا کیا وہ بھی موقع پر فائنل میچ میں موجود رہے۔ کرکٹ کے تمام گروپس اور کتلان کرکٹ فیڈریشن نے اعادہ کیا کہ مل کر کرکٹ کے فروغ کے لیے کام کرتے رہیں گے۔ اس موقع پر کھلاڑیوں نے ڈھول کی تھاپ پر خوب بھگڑا ڈالا اور نوجوانوں نے کرکٹ کو انجوائے کیا۔
