• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اٹلی میں لاپتہ پاکستانی باکسر کا تاحال سراغ نہ مل سکا

آج کا اخبار
یورپ سے
07 مارچ ، 2024
روم (نیوز ڈیسک) اٹلی میں لاپتہ ہونے والے پاکستانی باکسر زوہیب رشید کا تاحال کوئی سراغ نہ مل سکا پاکستان باکسنگ فیڈریشن کا کہنا ہے کہ اٹلی میں پولیس اور پاکستان میں باکسر زوہیب رشید کے ڈپارٹمنٹ کو آگاہ کر دیا گیا ہے۔ فیڈریشن کے مطابق زوہیب رشید اپنا پاسپورٹ بھی ساتھ لے گئے ہیں۔ اٹلی میں مسلسل اعلیٰ حکام سے رابطے میں ہیں۔ واضح رہے کہ پاکستانی باکسر زویب رشید پر الزام ہے کہ وہ اٹلی میں ساتھی خاتون باکسر کے بیگ سے پیسے چوری کرکے فرار ہو گئے۔ گزشتہ برس ایشین چیمپئن شپ میں کانسی کا تمغہ جیتنے والے باکسر زوہیب رشید اٹلی میں لاپتہ ہیں۔ پاکستان باکسنگ فیڈریشن کے سیکریٹری نے زوہیب رشید پر الزام عائد کیا کہ وہ اپنی ساتھی خاتون باکسر لورا اکرم کے بیگ سے ڈھائی سو پاؤنڈ لے کر فرار ہوئے۔ خیال رہے کہ زوہیب رشید اولمپکس کوالفائینگ راؤنڈ کھیلنے کے لیے پانچ رکنی باکسنگ ٹیم کے ہمراہ اٹلی گئے تھے۔
یورپ سے سے مزید