• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

گورنر پنجاب نے ایچی سن کالج کے پرنسپل مائیکل تھامسن کا استعفیٰ منظور کرلیا

آج کا اخبار
اہم خبریں
06 اپریل ، 2024
لاہور(نمائندہ جنگ)گورنر پنجاب نے ایچی سن کالج کے پرنسپل مائیکل تھامسن کا استعفیٰ منظور کرلیا،بورڈ ممبران نے آمنہ کامران کو عارضی پرنسپل تعینات کرنے کی منظوری دیدی ، جبکہ ایچی سن کالج کے بورڈ آف گورنرز کے اجلاس میں فیس معافی سے متعلق اہم شرائط کیساتھ پالیسی کی منظوری دیدی گئی ہے۔بورڈ آف گورنرز نے 100 فیصد فیس معافی اور تمام بچوں کوفیس معافی دینے کی شدید مخالفت کی۔ جونیئر، پریپ کے بچوں کو 50 فیصد ، حافظ قرآن کی پچاس فیصد فیس معافی کی منظور ی دی گئی جبکہ سینئر سکول کے بچوں کی فیس معافی کی پالیسی کو یکسر مسترد کر دیا گیا۔ گورنر پنجاب بلیغ الرحمان نے بطور صدر بورڈ آف گورنرز ایچی سن کالج پالیسی کی منظوری دیتے ہوئے کہا اختلاف پر مشاورت کیلئے تیار ہیں۔
اہم خبریں سے مزید