• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

خضدار، پی پی رہنما شکیل درانی کے گھر دستی بم حملہ، 3 محافظوں سمیت 5 زخمی

آج کا اخبار
اہم خبریں
21 ستمبر ، 2025
کوئٹہ(آئی این پی)بلوچستان کے ضلع خضدار میں پیپلزپارٹی کے رہنما اور سابق ضلعی چیئرمین آغا شکیل درانی کے گھر پر دستی بم سے حملے کے نتیجے میں3محافظوں سمیت5افراد زخمی ہو گئے۔ وزیر اعلی بلوچستان نے حملے کی مذمت کرتے ہوئے کہا کہ ملوث عناصر کو جلد گرفتار کر کے انصاف کے کٹہرے میں لایا جائیگا۔ واقعے کے بعد پولیس اور دیگر قانون نافذ کرنے والے اداروں نے علاقے کو گھیرے میں لے لیا اور سرچ آپریشن شروع کر دیا۔ ابتدائی تحقیقات کے مطابق حملہ آور موٹر سائیکل پر سوار تھے جنہوں نے گھر کے احاطے کی جانب دستی بم پھینکا اور فرار ہونے میں کامیاب ہو گئے۔ قانون نافذ کرنے والے ادارے شواہد اکٹھے کر رہے ہیں جبکہ جائے وقوعہ سے دستی بم کے ٹکڑے بھی تحویل میں لے لئے گئے ہیں تاکہ فرانزک تحقیقات آگے بڑھائی جا سکیں۔ دریں اثناوزیراعلی بلوچستان میر سرفراز خان بگٹی نے واقعے کی مذمت کرتے ہوئے کہا کہ آغا شکیل درانی کی رہائش گاہ پر حملہ نہایت افسوسناک اور قابل مذمت عمل ہے۔
اہم خبریں سے مزید