• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پی ٹی آئی نے سعودی عرب کیساتھ دفاعی معاہدے کا خیرمقدم کیا ہے، اسد قیصر

آج کا اخبار
اہم خبریں
21 ستمبر ، 2025
اسلام آباد(جنگ رپورٹر)پاکستان تحریک انصاف کے رہنما، اسد قیصر نے کہا کہ پی ٹی آئی نے سعودی عرب کے ساتھ دفاعی معاہدے کا خیر مقدم کیا ہے،انہو ں نے ایک بیان میں کہا کہ پاکستان کے عوام حرمین الشریفین کے لیے ہر قسم کی قربانی دینے کو تیار ہیں،انہوں نے کہا کہ مریم نواز نے کہا ہے کہ بانی پی ٹی آئی کا دور ختم ہو گیا ہے اور دنیا آگے بڑھ گئی ہے، مریم بی بی! میں آپ کا چیلنج قبول کرتا ہوں، صاف اور شفاف الیکشن کرائیں اور صرف 10 نشستیں جیت کر دکھا دیں،انہوں نے کہا کہ حرمین الشریفین ہمارے عقیدے، اعتقاد اور عوامی جذبات سے جڑے ہیں،اور یہ سب کو پتہ ہے، یہ کسی پارٹی کا معاہدہ نہیں، بلکہ ریاست سے ریاست کا معاہدہ ہے، اس پر سیاست نہ کریں، یہ پاکستانی عوام کی حرمین شریفین کے ساتھ کمٹمنٹ ہے۔
اہم خبریں سے مزید