• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

وڈیرے کے مبینہ تشدد کا معاملہ، ایک ملزم گرفتار، متاثرہ اونٹنی علاج کیلئے کراچی روانہ

آج کا اخبار
اہم خبریں
21 ستمبر ، 2025
سکھر /کراچی(این این آئی/اسٹاف رپورٹر) سکھر کی تحصیل صالح پٹ میں با اثر وڈیرے کے مبینہ بد ترین تشدد کا نشانہ بننے والی اونٹنی کو طبی امداد کے بعد مکمل علاج کے لیے کراچی روانہ کر دیا گیا جبکہ ایک ملزم کو گرفتار کرلیا گیا ۔چیئرمین ڈسٹرکٹ کونسل کمیل شاہ کے مطابق واقعہ کندھرا کے صحرا میں پیش آیا جہاں تین ملزمان نے فصل کو نقصان پہنچانے کے الزام میں اونٹنی پر تشدد کر کے ٹانگ توڑ دی۔پولیس نے اونٹنی کے مالک کی مدعیت میں تین نامزد ملزمان کے خلاف مقدمہ درج کر کے ایک ملزم کو گرفتار کر لیا ہے جبکہ دو ملزمان کی گرفتاری کے لیے چھاپے مارے جار ہے ہیں۔ وزیرِ اعلی سندھ نے واقعے کا نوٹس کا نوٹس لیتے ہوئے چیئرمین ڈسٹرکٹ کونسل کمیل شاہ کو اونٹنی کا علاج کرانے کی ہدایت کی تھی جس کے بعد اونٹنی کو فوری طور ہر کراچی روانہ کر دیا گیا ہے۔کراچی سے اسٹاف رپورٹرکےمطابق وزیر اعلیٰ سندھ سید مراد علی شاہ نے واقعے کی شدید مذمت کرتے ہوئے وحشیانہ تشدد کرکے اونٹ کی ٹانگ کاٹنے والے 3 ملزمان کے خلاف فوری قانونی کارروائی کرنے کا حکم جاری کیا ہے ۔ وزیر اعلیٰ سندھ نے جانور پر ظلم کو "ناقابل برداشت" قرار دیتے ہوئے سکھر پولیس کو ہدایت کی کہ مجرمان کو فوری گرفتار کر کے مثالی سزا دی جائے۔ ترجمان کے مطابق وزیراعلیٰ سندھ کی ہدایت پر سکھر پولیس نے تین ملزمان میں سے دو کو گرفتار کر لیا۔
اہم خبریں سے مزید