• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹک ٹاکر ثناء یوسف قتل کیس؛ فردِ جرم عائد، ملزم کا صحت جرم سے انکار

آج کا اخبار
اہم خبریں
21 ستمبر ، 2025
اسلام آباد(جنگ رپورٹر)ایڈیشنل ڈسٹرکٹ اینڈ سیشن جج محمد افضل مجوکا کی عدالت میں ٹک ٹاکر ثناء یوسف کے قتل کے مقدمہ کی سماعت کے دوران مرکزی ملزم عمر حیات پر فردِ جرم عائد کر دی گئی ہے تاہم ملزم نے صحت جرم سے انکار کر دیا اور کہا کہ میں نے ایسا کوئی جرم نہیں کیا ، مجھ پر لگائے گئے تمام تر الزامات جھوٹ پر مبنی ہیں ۔ہفتے کے روز فاضل عدالت  کے روبرو  ٹک ٹاکر ثناء یوسف کے قتل کے مقدمہ کی سماعت  کے موقع  پر  ملزم کو عدالت میں پیش کیا گیا، فردِ جرم عائدکرنے کے دوران  عدالت نے ملزم سے استفسار کیا کہ کیا آپ نے ثنا یوسف کو قتل کیا ہے ؟ تو اس نے صحتِ جرم سے انکار کرتے ہوئے کہا کہ میں نے ایسا کوئی جرم نہیں کیا ،مجھ پر لگائے گئے تمام تر الزامات جھوٹ پر مبنی ہیں،فاضل جج نے ملزم سے سوال کیا کہ تم پر الزام ہے کہ تم نے مقتولہ کا موبائل فون بھی چھینا تھا تو اس نے اس الزام کو بھی بے بنیاد قرار دیا،بعد ازاں عدالت نے کیس کی مزید سماعت 25 ستمبر تک ملتوی کر دی،یاد رہے کہ ملزم عمر حیات کے خلاف تھانہ سنبل میں قتل کا مقدمہ درج ہے۔
اہم خبریں سے مزید