• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

جلال پور پیر والا پر موٹر وے M5 کا ایک اور حصہ سیلاب میں بہہ گیا

آج کا اخبار
اہم خبریں
21 ستمبر ، 2025
ملتان(صباح نیوز) موٹروے ایم فائیو کا مشرقی حصہ ملتان کے قریب جلال پور پیروالا میں شگاف پڑنے سے سیلاب میں بہہ گیا ہے ۔ اس سے پہلے ایم فائیو کا مغربی حصہ سیلاب میں بہہ گیا تھا، موٹروے پولیس اور این ایچ اے کا عملہ مشینری کے ساتھ موقع پر موجود ہے۔ موٹر وے پر دریائے ستلج کا پانی شدید بہا کے ساتھ دریائے چناب کی جانب بہہ رہا ہے، پانی کا بہا وکم کرنے کیلئے شگاف میں پتھر ڈالے جا رہے ہیں، ملتان سے جھانگڑہ تک 8 ویں روز بھی موٹروے بند ہے۔ترجمان موٹر وے پولیس کا اس حوالے سے بتانا ہے کہ موٹروے ایم 5 سیلاب کی وجہ سے بند ہیں، ملتان سے سکھر جانے والے متبادل راستے سے سفر کر سکتے ہیں۔موٹر وے پولیس کے مطابق ٹریفک شاہ شمس انٹر چینج سے قومی شاہراہ کی طرف جا سکتی ہے، اوچ شریف انٹرچینج سے دوبارہ موٹروے ایم 5 پر سفر کیا جا سکتا ہے۔ترجمان موٹر وے پولیس کا کہنا ہے کہ سکھر سے ملتان ایم 5 اوچ شریف انٹرچینج قومی شاہراہ پر سفر کیا جا سکتا ہے، شیر شاہ انٹرچینج سے دوبارہ موٹر وے ایم 5 کو جوائن کر سکتے ہیں۔
اہم خبریں سے مزید