فرمان الہی
نماز کے اوقات
کراچی ( اسٹاف رپورٹر) پاکستان پیپلزپارٹی کے چیئرمین بلاول بھٹو زرداری اور آصفہ بھٹو زرداری سے پاکستان میں فلسطین کے سفیر احمد جواد امین ربیعی نے ملاقات کی ہے۔ بلاول ہاوَس سے جاری پریس ریلزکے مطابق، بلاول ہاؤس میں ہونے والی ملاقات کے دوران پاک - فلسطین تعلقات پر تبادلہ خیال کیا گیا۔ اس موقعے پر گفتگو کرتے ہوئے چیئرمین بلاول بھٹو زرداری نے کہا کہ پاکستان غزہ کے معاملے پر فلسطینی عوام کے ساتھ کھڑا ہے۔ انہوں نے کہا کہ اسرائیل نے غزہ میں ظلم و بربریت کی وہ تاریخ رقم کی ہے کہ پوری انسانیت کا سر شرم سے جھک گیا ہے۔ چیئرمین بلاول بھٹو زرداری نے کہا کہ مسئلہ فلسطین کے حوالے سے پورا پاکستان ایک ہے، اور ہمارے دل فلسطینیوں کے ساتھ دھڑکتے ہیں۔
