• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میاں نواز شریف کی قیادت میں پاکستان ترقی کرے گا، سردار ظہور اقبال خان

آج کا اخبار
یورپ سے
05 جون ، 2024
پیرس (رضا چوہدری ) اٹک سے تعلق رکھنے والے معروف پاکستانی بزنس مین، بزنس کمیٹی فرانس کے صدر و سینئر رہنما سردار ظہور اقبال خان نے کہا ہے کہ میاں نواز شریف کی قیادت میں پاکستان ترقی کرے گا۔سردار ظہور نے ’جنگ‘ سے گفتگو میں مزید کہا کہ وزیراعظم میاں شہباز شریف نے بڑے اچھے طریقے سے اپنی صلاحیتوں سے پارٹی کو آگے بڑھایا ہے، اب میاں نواز شریف کی قائدانہ صلاحیتوں سے ملکی معیشت بہتر ہو گی اور پاکستان موجودہ مشکلات سے نجات حاصل کرکے ترقی کی طرف کامزن ہوگا۔انہوں نے کہا کہ اس خاندان نے ملک وقوم کی خاطر بے پناہ قربانیاں دی ہیں، ایک بار نہیں تین بار ان کو اقتدار سے علیحدہ کر کے ملک کو جو نقصان پہنچایا گیا ہے اُس کا ازالہ میاں نواز شریف کی صلاحیتوں سے ہی ہو سکے گا۔اُن کا کہنا تھا کہ اوورسیز پاکستانی تن من دھن سے  ان کے ساتھ ہیں۔ انہوں کہا فرانس سمیت یورپ بھر میں ن لیگ ایک مضبوط اور موثر جماعت ہے، قائد میاں نواز شریف نے لندن ملاقات میں جلد وطن واپسی اور پارٹی قیادت سنبھالنے کو عندیہ دیا تھا، وہ پورا ہو گیا اب انشااللٰہ وہ فرانس میں بزنس کمیونٹی اور پارٹی کے یورپ کنونشن کے لیے فرانس کا دورہ کریں گے جس کی دعوت اُنہوں نے قبول کی تھی۔ظہور اقبال نے مزید بتایا کہ نوازشریف کی قیادت میں ملک میں نئے دور کے سفر کے آغاز ہو گیا ہے۔
یورپ سے سے مزید