• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

قومی کرکٹ ٹیم نے پوری قوم کا دل توڑ دیا، شیخ سربلند

آج کا اخبار
یورپ سے
12 جون ، 2024
لندن (جنگ نیوز) سماجی شخصیت شیخ سر بلند نے ٹی20ورلڈکپ میں بھارت کے ہاتھوں قومی ٹیم کی شکست پر گہرے رنج و غم کا اظہار کرتے ہوئے کہا کہ ٹیم نے پوری قوم کا دل توڑ دیا ہے۔ بالرز کی جانب سے شاندار کارکردگی کے بعد بلے بازوں نے مایوس کن بیٹنگ کی اور120رنز تک نہ بناسکے۔ انہوں نے کہا کہ ٹیم کی کمزوریاں کھل کر سامنے آگئی ہیں اور اب ضرورت اس امر کی ہے کہ سفارش کے کلچر کو ختم کرکے میرٹ پر ٹیم کا انتخاب کیا جائے اور نہ صرف کھلاڑیوں بلکہ کوچ اور پی سی بی کے چیئرمین کو بھی تبدیل کیا جائے۔ انہوں نے کہا کہ جن کھلاڑیوں کو دنیا کا بہترین بلے باز کہا جاتا ہے وہ کم اسکور بھی نہ بناسکے اور غیر ذمہ داری کا مظاہرہ کیا ، ایسا محسوس ہوتا تھا کہ انہیں بتانے والا بھی کوئی نہیں ہے۔ انہوں نے کہا کہ پاکستانی قوم کرکٹ سے پیار کرتی ہے اور وہ ٹیم کو کامیاب ہوتے ہوئے دیکھنا چاہتی ہے۔ 
یورپ سے سے مزید