فرمان الہی
نماز کے اوقات
کراچی(اسٹاف رپورٹر)بابر اعظم اور شاہین شاہ آفریدی جلد ایک دوسرے کے مدمقابل ہو نگے مگر یہ آمنا سامنا کھیل کے میدان میں ہی ہوگا گو کہ دونوں کے درمیان پچھلے کئی دنوں سے ٹیم کی قیادت کے حوالے سے تناؤ ، بات چیت بند ہونے کی خبریں میڈیا پر گردش کر رہی ہیں،تاہم 25 جولائی کو کینیڈا کی گلوبل ٹی 20 لیگ ٹورنامنٹ میں یہ اہم کھلاڑی ایک دوسرے کی مخالف ٹیم سے مد مقابل نظر آئیں گے،بابر اعظم وینکوور نائٹس کا حصہ ہیں تو شاہین شاہ آفریدی ٹورونٹو نیشنلز میں شامل ہیں۔یہ دونوں ٹیمیں 25 جولائی کو ایک دوسرے کے مدمقابل ہوں گے۔ وینکوور کو پاکستانی وائٹ بال کپتان بابر اعظم کے ساتھ محمد عامر اور محمد رضوان کی خدمات بھی حاصل ہیں۔ ٹورنامنٹ جو 25 جولائی سے 6 اگست سے کھیلا جائے گا۔ جس میں چھ فرنچائز کی ٹیمیں حصہ لے رہی ہیں۔
