• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

سلیکشن کمیٹی نااہل، محمد رضوان کو قیادت ملنی چاہئے، سرفراز نواز

آج کا اخبار
اسپورٹس
13 جولائی ، 2024
کراچی(اسٹاف رپورٹر) قومی کر کٹ ٹیم کے سابق فاسٹ بولرسرفراز نواز نے وائٹ بال ٹیم کے لئے بابر اعظم کو قیادت سے ہٹانے کی حمایت کرتے ہوئے مشورہ دیا ہے کہ ان کی جگہ محمد رضوان کو کپتان بنایا جائے، ٹیسٹ ٹیم کی کپتانی کیلئے شان مسعود کو کپتان برقرار رکھا جائے،میں نے ذکا اشرف اور محسن نقوی کو وہاب ریاض کی غیر ذمہ دارانہ صلاحیتوں سے متعلق خطوط لکھے جس کاریکارڈ بھی میرے پاس موجود ہے لیکن میری تجویز پر کسی نے عمل نہیں کیا۔میڈیا سے بات چیت میں انہوں نے کہا کہ پوری سلیکشن کمیٹی کو نااہل کیا جائے، ورلڈکپ سے قبل پریس کانفرنس کے دوران سارے ممبرز نے کہا تھا کہ قومی ٹیم کا انتخاب اتفاق رائے سے کیا گیا لہٰذا کمیٹی کا ہر رکن سلیکشن کا ذمہ دار ہے، سلیکشن کمیٹی نے اجتماعی طور پر نااہلی کا مظاہرہ کیا،سب کو برطرف کیا جائے۔
اسپورٹس سے مزید