• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

صحابہؓ کرام اور اہل بیت ؓ کی محبت کو جزو ایمان سمجھتے ہیں‘ شہداء کانفرنس

میرا شہر
اسلام آباد
22 جولائی ، 2024
اسلام آباد (نیوز رپورٹر) جماعت اہلسنت پاکستان کے مرکزی ناظم اعلیٰ الحاج پیر خالد سلطان قادری نے کہا ہے کہ میدان کربلا میں حضرت امام حسینؓ اور اُنکے رفقاء کی شہادت اسلام کو ہمیشہ روشن اور تابناک رکھے گی۔ وہ گزشتہ شب بھارہ کہو میں شہدائے کربلا کانفرنس بسلسلہ ایصال ثواب الحاج فقیر غلام محمد قادری سے خطاب کر رہے تھے۔ صدارت پیر غلام محی الدین فخری نے کی۔ سابق وفاقی وزیر سید حامد سعید کاظمی مہمان خصوصی تھے۔ خطاب میں کہا کہ اہلسنت و جماعت صحابہؓ کرام اور اہل بیتؓ کی محبت کو جزو ایمان سمجھتے ہیں اور اُنکی اہانت کا تصور تک نہیں کر سکتے۔ علامہ محمد فاروق خان سعیدی‘ صاحبزادہ پیر اکمل کریم مہاروی‘ پروفیسر محمد سعید سیالوی‘ ذیشان کلیم معصومی‘ مفتی محمد احمد سعیدی‘ مفتی محمد یار سعید اور دیگر نے بھی خطاب کیا۔
اسلام آباد سے مزید