• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ہاکی کی بہتری کیلئے سخت احتساب کی ضرورت ہے، طاہر علی شاہ

آج کا اخبار
یورپ سے
05 اگست ، 2024
برسلز/ وارسا (حافظ اُنیب راشد) پاکستان میں ہاکی کے سابق کھلاڑی اور پولینڈ کے دارالحکومت وارسا میں ہاکی کوچ سید طاہر علی شاہ نے کہا ہے کہ قومی کھیل ہاکی کی بہتری کیلئے سخت احتساب اور شفاف سکروٹنی ناگزیر ہے۔ انہوں نے کہا کہ اگر قومی کھیل کو بہتری کی طرف گامزن کرنا ہے تو ماضی کے کرپٹ عہدیداران جن پر متعدد قومی اداروں میں مبینہ کرپشن کے کیسز بھی چل رہے ہیں ان کا سخت سے سخت محاسبہ ہونا ضروری ہے۔ انہوں نے کہا کہ قومی کھیل کی بہتری کے لئےصاف اور شفاف سکروٹنی کے ذریعے نئی کانگریس اور ایمان دار اور بے داغ ماضی رکھنے والے عہدیداران کو لانا چاہئے تاکہ قومی کھیل ترقی کی طرف گامزن ہو اور وہ اپنا کھویا ہوا مقام حاصل کر پائے۔ سید طاہر علی شاہ نے صدر پاکستان اور وزیراعظم سے درخواست کی کہ کرپٹ عناصر کے ساتھ سختی سے نمٹا جائے۔
یورپ سے سے مزید