• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پیرس اولمپک: ’’کوکین‘‘ کی خریداری کا الزام، آسٹریلوی ہاکی ٹیم کا کھلاڑی گرفتار

آج کا اخبار
یورپ سے
08 اگست ، 2024
پیرس( نیوز ڈیسک)پیرس اولمپکس کے دوران آسٹریلوی مینز ہاکی ٹیم کے پلیئر کو کوکین خریداری کے الزام میں گرفتار کرلیا گیا۔ای ایس پی این کی رپورٹ کے مطابق آسٹریلوی مینز ہاکی ٹیم کے پلیئر ٹام کریگ کو کوکین خریداری کے الزام میں گرفتار کیا گیا ہے جس کی تصدیق آسٹریلوی اولمپک کمیٹی نے بھی کردی ہے۔کمیٹی کی جانب سے جاری کردہ بیان میں کہا گیا ہے کہ مبینہ طور پر کوکین خریداری کے الزام میں پلیئر کو فرانسیسی پولیس نے حراست میں لیا ہے۔ابتدائی طور پر کھلاڑی کا نام ظاہر نہیں کیا گیا تاہم اے پی پی نے تصدیق کی کہ گرفتار کھلاڑی آسٹریلیوی مینز ہاکی ٹیم کے پلیئر ٹام کریگ ہیں۔آسٹریلوی اولمپک کمیٹی کے ارکان کھلاڑی سے پوچھ گچھ اور مدد کررہے ہیں۔
یورپ سے سے مزید