• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

پاکستان پروموشن نیٹ ورک سویڈن کی آزادی پاکستان کار ریلی

آج کا اخبار
یورپ سے
16 اگست ، 2024
مالمو (نمائندہ جنگ) سویڈن میں بھی جشن آزادی پاکستان قومی جذبے اور جوش و خروش سے منایا گیا۔ پاکستان پروموشن نیٹ ورک یورپ کی جانب سے منعقدہ جشن آزادی کار ریلی کا انعقاد کیا گیا۔ اس موقع پر گولڈ میڈلسٹ ارشد ندیم کو خراج تحسین پیش کیا گیا۔ کار ریلی میں راجہ عاطف شہزاد، خرم خان، عامر خلیل جنجوعہ، زبیر حسین، محمد سرور، محمود حجازی، اکرام نور، چوہدری شبیر، ملک لیاقت اعوان اور عاصم بلوچ سمیت کمیونٹی کے دیگر افراد نے شرکت کی۔ میڈیا سے گفتگو کرتے ہوئے شرکاء کا کہنا تھا کہ ارشد ندیم نے اولمپک کھیلوں میں گولڈ میڈل جیت کر آزادی کی خوشی کو دوبالا کردیا، ہم بطور اوورسیز پاکستانی وطنِ عزیز میں کھیلوں کی سرگرمیوں کو بہتر بنانے کیلئے تعاون کیلئے تیار ہیں، سویڈن کی کاروباری شخصیت سعید شیخ نے اپنے پیغام میں کہا کہ وہ ارشد ندیم کیلئے نقد انعام دینے کا اعلا ن کرتے ہیں اور وہ جلد میاں چنو جا کر یہ نقد انعام قومی ہیرو کو پیش کریں گے۔ تقریب کے اختتام پر کیک کاٹا گیا اور پاکستان کی ترقی اور خوشحالی کیلئے دعائیں کی گئیں۔
یورپ سے سے مزید