فرمان الہی
نماز کے اوقات
ایمسڑڈیم (این این آئی)ہالینڈ کے وزیر اعظم ڈک شوف نے غزہ میں فوری جنگ بندی اور علاقے میں مزید انسانی امداد پہنچانے کا مطالبہ کیا۔میڈیارپورٹس کے مطابق انہوں نے ایکس پر جاری بیان میں کہا کہ انہوں نے نیتن یاہو کے ساتھ فون پر غزہ کی انسانی صورتحال پر تبادلہ خیال کیا ہے۔انہوں نے کہاکہ مشرق وسطی میں کشیدگی کو مزید بڑھنے سے روکنا حیاتی اہمیت کا حامل ہے، تشدد اور انتقامی کارروائیوں کے سلسلے کو توڑا جانا چاہئے۔غزہ کے مکینوں تک مزید انسانی امداد پہنچانا ضروری ہونے پر زور دینے والے شوف نے کہاکہ غزہ میں فوری جنگ بندی ، یرغمالیوں کی رہائی اور غزہ کے درد کے مارے عوام تک بلا رکاوٹ کہیں زیادہ انسانی امداد پہنچانے پر مبنی معاہدے کا قیام لازم و ملزوم ہے۔ انہوں نے مزید کہا کہ ان کا ملک فائر بندی کی تمام تر کوششوں کی حمایت کرتا ہے۔
