• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ملتان ،لودھراں میں ٹریفک حادثات3افراد جاں بحق ‘ایک زخمی

میرا شہر
ملتان
23 اگست ، 2024
ملتان، لودھراں (نمائندہ جنگ) ملتان، لودھراں میں ٹریفک حادثات ،3افراد جاں بحق ‘ایک زخمی ہو گیا، ملتان میں تھانہ مخدوم رشید کے علاقے میں 14سالہ محمد حسیب اپنے دوست محمد وقاص کے ہمراہ موٹرسائیکل پر سوار جا رہا تھا کہ چک13ایم آر کے قریب سامنے سے آنے والا منی مزدا ڈالہ موٹرسائیکل پر چڑھ دوڑا جس کے نتیجے میں حسیب اور وقاص زخمی ہوگئے حسیب زخموں کی تاب نہ لاتے ہوئے موقع پر ہی دم توڑ گیا جبکہ وقاص معمولی زخمی ہوا جبکہ کام کے لیے لودھراں سے بہاولپور جانے والے موٹر سائیکل سوار دو افراد کو ٹریلر نے کچل دیا،لودھراں کے محلہ مسعود آباد کا رہائشی محمد ہاشم اور سپر چوک بی کالونی کا رہائشی محمد ندیم مغل جو کہ بہاولپور میں لوہے کی دکان پر کام کرتے تھے جمعرات کی صبح موٹر سائیکل پر لودھراں سے بہاولپور جارہے تھے کہ چک نمبر سو ایم کے قریب مزدا کی سائیڈ لگنے سے سڑک کے درمیان گرگئے اسی اثنا میں عقب سے آنے والے ٹریلر نے دونوں کو کچل دیا اور وہ موقع پر ہی جاں بحق ہوگئے،ہاشم کی نماز جنازہ جمعرات کی شام 6 بجے عیسیٰ والا قبرستان میں ادا کرنے کے بعد اسے آبائی قبرستان میں سپرد خاک کردیا گیا ۔
ملتان سے مزید