• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

برطانوی باکسر عامر خان نے بولٹن میں اپنا شادی ہال فروخت پر لگا دیا

آج کا اخبار
یورپ سے
24 اگست ، 2024
بولٹن(نیوز ڈیسک)پاکستان نژاد برطانوی باکسر عامر خان نے ملین پاونڈز ڈوبنے پر بولٹن میں اپنا شادی ہال فروخت پر لگا دیا ہے۔برطانوی میڈیا کے مطابق باکسر عامر خان نے ’’ایکس‘‘ پر ٹویٹ کرتے ہوئے لکھا کہ ’’میں اپنا شادی ہال فروخت کر رہا ہوں، چار منزلہ ہال میں تین فلور جب کہ تقریبات کے لیے ایک چھت بھی موجود ہے۔انہوں نے بتایا کہ ہال کے سامنے اور پیچھے پارکنگ بھی دستیاب ہے جہاں تقریباً 200 گاڑیاں کھڑی کی جا سکتی ہیں۔عامر خان کا لگژری ویڈنگ وینیو انگلینڈ کے شہر بولٹن میں واقع ہے ۔ویڈنگ وینیو میں 3 ماہ قبل پہلی مرتبہ شادی کی تقریب ہوئی تھی مگر ویڈنگ وینیو اچھی جگہ پر نہ ہونے کے باعث لوگوں کی توجہ حاصل نہ کر سکا اور ملین پاونڈز ڈوب گئے۔اس کے ساتھ ساتھ، وینیو کے ارد گرد دیگر مسائل کے باعث بھی پروجیکٹ کامیاب نہ ہوسکا۔ شادی ہال کے سامنے اور اطراف میں کوڑا کرکٹ کے ڈھیر بھی پڑے رہتے تھے۔
یورپ سے سے مزید