فرمان الہی
نماز کے اوقات
اسلام آباد (فاروق اقدس) برطانوی ویزا سسٹم میں بڑی تبدیلی ؛اسٹیکر اور پاسپورٹ اسٹمپ ختم ،برطانوی امیگریشن کا نظام ڈیجیٹل ہونے جا رہا ہے اس طرح اب دستاویزات کو ڈیجیٹل ڈاکیومنٹس کے ساتھ تبدیل کیا جائے گا۔
اس پیش رفت کے بعد بائیو میٹرک کے حامل افراد کو رہائشی اجازت ناموں اور پاسپورٹ پر چسپاں کئے جانے والے ویگنیٹ سٹیکرز اور اسٹمپ کی ضرورت نہیں رہے گی۔
اسلام آباد میں برطانوی ہائی کمیشن کی جانب سے فراہم کردہ تفصیلات کے مطابق اگر ویزے کے خواہشمند کو برطانیہ کا چھ ماہ سے زائد کا تعلیمی یا ورک ویزہ جاری ہوتا ہے تو پھر انہیں یو کے وی آئی (یو کے ویزہ اینڈ امیگریشن) پر ایک آن لائن اکاؤنٹ بنانا ہو گا جس کے ذریعے آپ اپنے ای ویزے تک رسائی حاصل کر پائیں گے۔ یہی اکاؤنٹ آپ کے ایمیگریشن کے متعلق معاملات کا آن لائن ریکارڈ رکھے گا۔
البتہ اگر سیاحت یا کسی اور مقصد کے لیے آپ چھ ماہ سے کم مدت کے لیے برطانیہ میں رہائش اختیار کرنے کا ارادہ رکھتے ہیں تو آپ کو یو کے وی آئی کا اکاؤنٹ بنانے کی ضرورت نہیں ہے۔
