• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ٹین بلین ٹری سونامی پروگرام، 4 سالوں میں سوا ارب درخت نہ لگائے جانے کا انکشاف

آج کا اخبار
اہم خبریں
30 اگست ، 2024
اسلام آباد (ساجد چوہدری) چار سالوں کے دوران 24ارب روپے سے زائد فنڈز کی دستیابی کے باوجود ٹین بلین ٹری سونامی پروگرام کے تحت ہدف سے سوا ارب کم درخت لگائے جانے کا انکشاف ہوا ہے۔ آڈٹ رپورٹ کے مطابق سال 2019 سے 2023 کے دوران 3 ارب 29 کروڑ 60 لاکھ درخت لگانے کیلئے ٹین بلین ٹری سونامی پروگرام کیلئے 24 ارب روپے سے زائد فنڈز جاری کئے گئے مگر ٹارگٹ سے 1227.14 ملین درخت کم لگائے گئے۔ اس کے علاوہ پی سی ون کے تحت اسی عرصے میں سندھ ، خیبر پختونخوا ، بلوچستان ، آزاد کشمیر اور گلگت بلتستان کے علاقوں میں دیگر منسلکہ سرگرمیوں کے ٹارگٹ بھی پورے نہیں کئے گئے۔ آڈٹ نے مشاہدہ کیا کہ اس عرصہ کے دوران فارسٹری اینڈ وائلڈ لائف میں اہم عہدوں پر عدم تقرریوں کے باعث پروگرام پر عملدرآمد میں رکاوٹیں پیدا ہوئیں۔
اہم خبریں سے مزید