چین کے شمالی علاقوں میں شدید بارش سے سیلابی صورتحال

بیجنگ ( نیوز ڈیسک) چین کے شمالی علاقوں میں شدید بارش سے سیلابی صورتحال پیدا ہوگئی۔ خبررساں اداروں کے مطابق چینی صوبے لیاؤننگ کے شہر دالین میں طوفانی بارش سے سڑکیں تالاب بن گئیں، سڑکوں پر پانی کے تیز بہاؤ میں گاڑیاں بہ گئیں جبکہ بارش سے مختلف حادثات میں 2 افراد ہلاک ہوگئے۔ محکمہ موسمیات کے مطابق دالین میں ایک گھنٹے میں 30 سے 40 ملی میٹر بارش ریکارڈ کی گئی۔ دوسری جانب مزید بارش کے پیش نظر حکام نے شہریوں کو احتیاطی اقدامات کی ہدایت کی ہے،جب کہ متاثرہ علاقوں میں امدادی ٹیموں نے کام شروع کردیا ہے۔